Natatanging Pagkain ng Candelaria

[Froilan Lajara Remo]

Labinlimang taon na ako dito sa Maynila. Paminsan-minsan umuuwi ako ng bayan natin upang pasyalan ang aking mga kamag-anak at kaibigan. Bagamat nilamon na ng lungsod ang malaking bahagi ng aking katinuan..di pa rin maitatangging ako'y isang candelariahin lalo na pagdating sa pagkain.

Marahil marami sa makababasa nito na kasalukuyang nasa atin ang magugutom at baka hanapin agad..tikman..lasapin. At kung nasa malayo naman ay magkakasya na lamang sa pag-iisip habang tumutulo ang laway...Heto ang ilang mga putahe na natatanging candelariahin.

1. Habhab - bagamat galing ng lucban (na mas kilala bilang pancit lucban), sa atin kinakain sa dahon at hinahabhab pagkatapos taktakan ng sukang may babad na bawang, sili, paminta at sibuyas. Mas masarap kung medyo mainit pa at ang halo ay hibe at sayote. Sarap.

2. Karioka - giniling na balinghoy na binilog, ipinaikot sa sangkakang tunaw at saka ipinirito..tapos tutuhugin sa stick. Sa elementary lang meron nito.

3. Buden - cassava cake na bilog na hinurno mula sa giniling na balinghoy at asuka na may konting keso sa ibabaw. kadalasang may foil ang ilalim pero nitong nakaraang mga panahon..nakabalot na lang sa plastic..nagtipid.

4. Nilupak - dati ang nilupak ay saging na saba na pagkalabon ay binayo ng binayo, nilalagyan ng mantikilya, asukal at gatas..presto nilupak..masarap kainin sa dahon ng saging. Nauso din ang commercialized na nilupak pero ang gamit balinghoy..binayo o giniling..me asukal at gatas at ang ibabaw sandamukal na keso..ikinakahon at presto ..negosyo.

5. Nilupak ulet - balinghoy na giniling at inilatag sa tray at sa ibabaw ay may arnibal.

6. Binayong Hipon - tuyong hipon na binayo ng pinong pino na masarap kainin pag pinisilan mo ng kalamansi...katalo na.

7. Tahure - tokwang maalat na babad sa toyo at asin..masarap igisa sa kamatis at sibuyas...tumba ang kaning lamig.

8. Sinantomas - buto buto ng baboy na niluto sa catsup, liver spread, giniling na pickles, tomato sauce..at nilalagyan ng sili..pinaglabang menudong buto-buto at kalderatang may halang...wala yatang bahay pag fiesta ang nakalilimot lutuin ito...masarap ulamin...at mabuhay ang mga manginginom.

9. Champene - patay ang mga asong gala...sa kaldereta style cooking ...ng aso.

10. Patabol - minatamis na (giniling na bigas) na me gata. malalaking flat na bilog na nakalutang sa matamis na gata.

11. Pansit Miki - masarap na almusal..mabibili sa palengke..ibabalot sa dahon naka balisuso sa dyaryo. me budbod pa ng chicharong taba sa ibabaw.

12. Lumpiang gulay - na pinaghalo-halong gulay na may napakatamis na sauce at lalagyan ng dinurog na bawang...nyarap

13. Keleroy - bigas na niluto sa gata at asukal na me kasamang dinurog na monggong sunog.

Madami pa yan...kung sino mang makababasa nito...dalawa lang pwede nyo gawin...dagdagan ang listing ko o magpadala ng sample sa akin...lalantakan ko yan sigurado. hehehe.

P.S. try nyo rin pala ang Special Tikoy ni Mrs Dimaunahan ng Academy-gumagawa sya pagpapasko...grabe sa sarap...libre sa plugging. hehehe.

[che lingao]

add mo yung crispy pata at crispy ulo masarap din yun

[Froilan Lajara Remo]

malapit na ang pasko..kaya eto ang dapat matikman nyo.
1. kalamay - konti na lang ang gumagawa nito ngayon pero madami nabibili sa bayan kasi tinda ng mga dayong bolante pag papasko hanggang pyesta;
2. ang lahat ay may buko salad...at ang iba ay may niyog salad...kasi niyog na ang naisama..ang nabiling buko magulang na. heheh
3. Of course lahat din magluluto ng afritada, caldereta, menudo, sinantomas, embutido, fried chicken, lechon manok-baboy at kung mayaman-me baka, .
4. kanya kanyang gawa rin ng minatamis na macapuno, chicken macaroni salad, leche plan, ube-halaya, buko pandan salad, at yung ibang nagtitipid-sagong me gatas at gelatin-salad na. at syempre gelatin-na ang ilalim me pineapple chunk.
5. babaha ng lambanog, gin o bilog, redhorse, tanduay o matador; para sa bisita..coke o RC cola-mas mura...o pineapple juice.

MGA PAHABOL AT PANINGIT NA PAGKAING CANDELARIAHIN
1. Mga luto sa misua - a) misua na ginagawang panghalo sa bachoy b) miswang me kasamang sardinas c) miswang ginisa na me kasamang patola at hibe...sarap lahat yan.
2. Almusal sa umaga- kapeng mainit at a)pandesal-isinasawsaw sa kape b) paborita na nilulunod sa kape c) pita-na ang sarap dila-dilaan kasi medyo maalat-alat ang lasa at saka isawsaw sa kape d) putok na pagkagat sabay higop ng kape para lumambot sa bibig sabay lunok e)apas-masarap ilagay sa mainit na kape tapos kukutsarain at saka isusubo..heheh.
3. Pasosyal na tinapay- broas o Otap..pang export daw yan.
4. Almusal o merienda-masarap ang Champorado lalo nat me kasamang pritong tuyo
5. Nakatikim ka na ba ng Pansit miki na niluto kasama ang kalabasa..ulam na?

mga kapatid..dagdag pa kayo ha...nagugutom tuloy ako..

[Moderator]

galing tol....... isa ka palang historian !!!

[Froilan Lajara Remo]

1. Bakit kaya pag araw ng mga patay, halos lahat ng bahay sa atin gusto magluto ng SINUKMANE o mas kilala sa maynila na Biko.?
2. May nagbebenta pa ba ng mahang kulay ube sa may riles ng tren?
3. Masarap pa kaya ang mahang mais na may budbod ng sinangkutsang nyog?
4. Nakatikim na ba kayo ng SINUSO ng baboy? masarap yun.
5. May gumagawa pa ba ng pilipit?
6. Nagbebenta pa ba sina Ka Zorayda ng Bitso?
7. Kamote cue, banana cue..common na yun kahit dito sa manila...ang wala e yung MARUYA...mapa kamote o saging..
8. Ano ang pagkakaiba ng Turon sa Maruya? heheh..ang Turon-binalot sa lumpia wrapper ang saging; ang Maruya-ang saging isinasama sa harinang pinalapot tapos ilalagay sa platito at saka ihuhulog sa mantika..dikit dikit ang saging pag labas...saka bubudburan ng asukal. sarap...
9. Kung ang Cebu me barkilyos..ang Candelaria me MACAROONS.. -eto yung macaroni noodles na ipinipirito sa mantika para maging crackers at masarap isawsaw sa suka..nagluluto pa ba kaya nito yung kapatid ni ka pabeng sa subdivision?
10. AT syempre sikat ang malabanban sa banana chips.

[Thèá Märasigän]

SUMAN! Malagkit na bigas... Pedeng me tamis.. Meron namang isinasawsaw sa asukal... Ewan ko pero nung bata p ko
hilig ko isawsaw sa asukal un eh...
BINAYONG HIPON! Yan 2 na yan ang madalas naming request pag me mangagaling ng pinas.

[towfee]

meron ulet akong nalaala...hehehehe...eto na ang ( dandarandaran!!!)

2. SINALUDSOD - alam nyo ba to? yung balinghoy na ginadgad tapos parang ipipirito....hindi ko maxado bet ang lasa pero pag si ka amy arellano ang gumawa...plangak!!!!isang malaking check sa sarap...

[Froilan Lajara Remo]

1. dinuguan na me halong labong
2. bopis ni bulok..mas kilala bilang tintoy
3. pais na isda ni ka dasyon
4. ginataang balatong....parang sa atin lang meron nyan
5. minatamis na santol.....sarap nyan.
6. burong mustasa..
7. ginisang alamang na medyo matamis at maanghang (sarap iulam o sawsawan ng singkamas at manga)
8. o kay sarap ng pinaltok...(gatang halong may bilog bilog at maliliit na sago)
9. lumpiang tulingan...d best lalo na at gawa ni ka Base....
10. sinaing na galunggong...tapos iprito nyo...ang sarap nito,....at yung patis..ilagay sa kanin...(tulo laway na).

at sa mga nais magdagdag pa...ini-invite ko kayo na dagdagan ang listing na ito...at by FEBRUARY..bago ang piyesta ng bayan natin..ilalabas ko ang UPDATED AND COMPLETE VERSION NG PAGKAING TUNAY NA CANDELARIAHIN.

dagdag lang mga kabalikat.

[Thèá Märasigän]

binatog! Nilagang mais na me niyog... Kung candelariahin k for sure alam mo ang BINATOG!

[Moderator]

oist towfee wag mo ko sumbong bka di na ako hilingan ng patis......

[towfee]

hotreod..isusumbon kita, nanay un nun fwend qoh...hehehehehe
well, siguro sa mga hindi nakakikilala sa pagkain ito pwes ngeon malalaman nyo na.

1. SNOWBALL - 8pirasong sago, 1 kutsarang gulaman at crushed ice na nilalagyan ng food color pampadami (INVENTOR-Jackilou De guitos)

search pa ko ng iba....hehehehe